ရာဇ၀င်ထဲက မင်းဘူး

သည်းခံပြီးစောင့်ဖတ်ပေးပါ။
ကြိုးစားပြီးပြည့်စုံအောင် တင်ပေးပါမယ်။

မင်းဘူးသား

ဟိုးရှေးရှေးကအကြောင်းလေးပေါ့…………….>>>

အရိမဒ္ဒနာပြည်ကြီးတွင် သက္ကရာဇ် ၈၈ မှ၂၄၀ ပြည့်နှစ်အထိ ဘုရင်မင်းမြတ်ဆယ်ပါး စိုးစံအုပ်ချုပ်မင်းလုပ်တော်မူကြ၏ ။
ထိုမင်းများမှာ

(၁) သိင်္ခံမင်း (၂) သားတော်သိန်းခွန်မင်း
(၃) သားတော်ရွှေလောင်းမင်း (၄) သားတော်ထွန်တွန်းမင်း
(၅) သားတော်ရွှေမှောက်မင်း (၆) ညီတော်ထွန်လွှတ်မင်း
(၇) သားတော်စောခင်နခံမင်း (၈) သားတော်ခဲလူးမင်း
(၉) ညီတော်ပျဉ်ပြားမင်း (၁၀) သားတော်တန်နက်မင်း

တို့ ပေတည်း ။

ဒုတိယသက္ကရာဇ် ၂၄၀မှ ၂၆၈ ထိ ပုဂံရွှေမြို့ တော်ကြီးကိုစိုးစံတော်မူသော တန်နက်မင်းကား မြင်းချစ်သူဖြစ်၏ ။ မြင်းထိန်းတို့ နှင့်စိတ်မချသောကြောင့် ညဥ့်အချိန်မတော်တွင်မြင်းတင်းကုတ်သို့ ထွက်တော်မူပြီး မြင်းများကို ကြည့်ရှုတော်မူလေ့ရှိ၏ ။ ထိုအချိန်တွင်မြင်းတင်းကုတ်၌ အမှုထမ်းနေသူကား နောင်အခါတွင်ပုဂံပြည့်ရှင်မင်း
စလေငခွေး ဟုထင်ရှားလာမည့် ငခွေးပေတည်း ။

သက္ကရာဇ် ၉၆ မှ ၁၀၆ ခုနှစ်အထိ အရိမဒ္ဒန သီရိပစ္စယာ၌ မင်းပြုတော်မူခဲ့ သော သိန်းခွန်မင်း၏ ညီတော်
မှ ငခွေးကို မွေးဖွားခဲ့၏ ။ ညီတော်နောင်ရင်းနှစ်ပါးမင်းတို့ မသင့်မတင့်ဖြစ်ကြရာ သိန်းခွန်မင်း၏ညီတော်
သည်စလေအရပ်သို့ ထွက်ပြေးခဲ့ရ၏ ။ အပြစ်မဲ့သော
သားကလေးမှာအတူရောယောင်ပြီး ပင်ပန်းနေရ၏ ။ သို့ အတွက်သူကြွယ်တယောက်သို့ 
ပေးလိုက်ကြလေသည် ။ သူကြွယ်သည် ငခွေး ကို အရွယ်လေးအတန်တန် ရလာချိန်တွင် လှေတစင်းတွင်လှေထိုးသားအဖြစ် ထည့် လိုက်လေတော့သည် ။
ပုဂံသို့ ရောက်ရန် တစ်ညခရီးအလိုတွင် ငခွေး အိပ်မက် မက်၏ ။

ထိုနေရာသည် ယခုမင်းဘူးမြို့ဖြစ်လာမည်. ဇေယျာသီရိ အရပ်ဖြစ်သည်။

သူ၏၀မ်းပိုက်ပေါက်သွား၏ ။ အူတွေထွက်လာ၏ ။ ငခွေး၏ဗိုက်ထဲမှ ထွက်လာ
သောအူများက ပုဂံတမြို့ လုံးကိုရစ်ပတ်ထားသည် ။ ငခွေးလန့် နိုးကာ ထထိုင်၏ ။

” တော်တော်ကောင်ဲး့ အိပ်မက်ပဲ” ။

လှေဆိုက်ပြီ ။ ငခွေးသည် လုပ်ဆောင်ဖွယ်များပြီးစီးအောင်လုပ်သည် ။
လှေသူကြီးထံခွင့်ပန်ပြီး ကုန်းပေါ်သို့ တက်ခဲ့ သည်။ သူကြားဖူးရုံသာ
ကြားဖူးသောဗေဒင်ဆရာအိမ်သို့ ဟိုမေးသည်မေးဖြင့်ရောက်လာသည် ။

ဇေယျာသီရိဧ။် မြောက်ဘက် မြင်းတစ်ပြေးခန့် အရပ်ရှိ သူကြွယ်သူဌေးများနေထိုင်သည့်
သူဌေးကုန်းအရပ်တွင်ရောက်ရှိလာသည်။

အိမ်တွင်ဗေဒင်ဆရာ ပုဏ္ဏားကြီးမရှိပါ ။ ပုဏ္ဏားကြီးဧ။် သမီးချောနှင့် ပုဏ္ဏေးမကြီးသာရှိဧ။်။
“အမောင် ဗေဒင်မေးမလို့ လား ၊ ပုဏ္ဏားကြီးမရှိပေမဲ့ ငါလည်းတတ်ပါတယ်ကွယ် ၊ အိမ်ထဲ
ဝင်ပါ” ၊
ရောက်လာပြီ ဖြစ်သောကြောင့် ငခွေးနောက်မဆုတ်တော့ပါ ။ ပုဏ္ဏေးမရှေ့ တွင် လာဘ်ငွေ
တစ်ပဲ တင်လိုက်သည်။ အိပ်မက်အကြောင်းကိုလည်း စေ့စပ်သေချာစွာ ပြန်ပြောင်းပြောပြသည် ။

“ကောင်းတယ်အမောင်၊ဘုန်းကြီးမယ်၊အသက်ရှည်မယ်”
“ဘယ်လိုဘုန်းကြီးမယ်ဆိုတာပြောပါဦး”
“ဘုန်းကြီးမယ်ဆိုမှတော့ ဘုန်းကြီးမှာပေါ့ကွယ်၊အသပြာ တစ်ပဲနဲ့ တန်အောင်ဒီလောက်ပဲပြောနိုင်မယ်”

ဖြစ်ခဲသောအိပ်မက်မို့ ကောင်းကြောင်းကိုကား ပုဏ္ဏေးမ မပြောခင်ကသိသည် ၊ အကျယ်တ၀င့်သိလို
သောကြောင့် ခြစ်ခြုတ်စုထားသော အသပြာကို လာဘ်တင်သည် ၊ လာဘ်ငွေဆုံးသည်သာအဖတ်တင်
သည်။ ငခွေးမကျေနပ်၊ မကျေမနပ်ဖြင့် ပုဏ္ဏေးမရှေ့ မှ ထလာခဲ့သည်။ သို့ သော်သူထွက်ခွာလာပြီး
မကြာမြင့်မီ ပုဏ္ဏားကြီးပြန်ရောက်လာသည် ။

“ဗေဒင်မေးသူ မလာဖူးလား”

“လှေထိုးသားနဲ့ တူတဲ့ ကောင်လေးတစ်ယောက်လာပြီး
လာဘ်ငွေတစ်ပဲနဲ့  အိပ်မက်နိမိတ် ဟောခိုင်းတယ် ၊ သူ့ 
ဗိုက်ထဲက အူတွေထွက်ပြီး နေပြည်တော်ကြီးကို ပတ်သတဲ့ ၊
ကျွန်တော်မလည်း လာဘ်နည်းတဲ့ အတွက် ဘုန်းကြီးမယ်
၊အသက်ရှည်မယ် ဟောလိုက်တယ်”။

“မိုးကြိုးပစ်ပြီးသေတော့မှာပဲ၊လာခဲ့”

ပုဏ္ဏားကြီးသည် ပုဏ္ဏေးမ ဆံပင်ကိုဆွဲပြီး ကတ်ကျေးဖြင့်ဖြတ်သည်၊အိမ်ရှေ့ သို့ ပစ်လိုက်ရာ မိုးကြိုးပစ်သံ
ပေါ်လာသည်၊ ပုဏ္ဏေးမ၏ ဆံပင်တွေ မီးဟုန်းဟုန်းတောက်လောင်တော့သည်။

“တယ်မိုက်တဲ့မိန်းမပဲ” ဟုမြည်တွန်ရေရွတ်ရင်း

ပုဏ္ဏားကြီးသည်အိမ်ပေါ်မှပြေးဆင်းလာပြီး လှေဆိပ်သို့ သွားသောလမ်း
အတိုင်းသွက်သွက်လျှောက်လာရာ တုံ့ နှေးစွာသွားနေသော လုင်တယောက်ကိုလှမ်းမြင်ရ၏ ။

“အမောင် အမောင်”

လုင်လှည့်ကြည့်သည်။ လှေထိုးသား အသားအရေ ရှိသော်လည်း သျှောင်ထုံး
ကို ကျနသေသပ်စွာ ထုံးနှောင်ထားသောလူချောတစ်ယောက်ဖြစ်သည်။

“အမောင် ခုနတုန်းက ကျုပ်အိမ်ကိုရောက်ခဲ့သလား”
။“ဟာ ပုဏ္ဏားကြီးပါလား”

ဟု လုင်သည်ဝမ်းသာအားရပြော၏ ။ သူကား ငခွေးပေတည်း ။
ငခွေးသည် ပုဏ္ဏားကြီးအား သူ၏အိပ်မက်ကို ထပ်မံပြောပြ၏ ။ ပုဏ္ဏားကြီးက ငခွေးကို
ဇရပ်တစ်ဆောင်ထဲသို့ ဆွဲခေါ်လာသည် ။

“ပုဏ္ဏေးမ မလိမ်မာတာကို စိတ်မဆိုးပါနဲ့ 
အမောင် ။ ဖြစ်တောင့်ဖြစ်ခဲ အိပ်မက်အရ အမောင်ဟာ ပုဂံပြည်မှာ မင်းဖြစ်လိမ့်မယ်”

“ဟာ..၀မ်းသာလိုက်တာဆရာရယ်”

“မင်းဖြစ်တဲ့ အခါ ကျုပ်ကိုလည်းမမေ့နဲ့ နော် ။ ထို့အပြင် ကျုပ်သမီး မမင်းဘူးအား
မိဖုရားအဖြစ်မြှောက်စားလေ။ သို့သော် ရတနာသုံးပါးကို မမေ့နဲ့ ။
နာနာဆည်းကပ်ပါ ။ မုချ မင်းဖြစ်မယ် ။”

ပုဏ္ဏား၏စကားသည်ငခွေးအတွက်အားတက်ဖွယ်ဖြစ်၏ ။
ထို့နောက် ကမ်းမှထွက်ခွာခရီးဆက်ရန်ပြင်ကြသည်။ ထိုစဉ်တွင်
ပဲ့စင်မှ အော်သံပေါ်လာ၏ ။

“နှစ်ယောက်ဆွဲအားနဲ့ မနိုင်တော့ဖူး ။ ထိုးဝါး
ကူစမ်းဟေ့…ငခွေး” ။

ငခွေးအပြေးထွက်သည် ။ ပေါင်းမိုးပေါ်မှထိုးဝါးကိုယူသည် ။ လေးဘက်ထောက်ကာ
ပခုံးတွင်ထိုးဝါးနှင့်တေ့ထားသည် ။ ။ ဦးမှစတင်ထိုးလာရာ
ပေါင်းမိုးလွန်လျှင် ထိုးဝါးကိုဆွဲနှုတ်ပြီး ဦးသို့ လျှောက်လာ၏ ။ ဦးသို့ ရောက်လျှင်ထိုးပြန်ပြီ ။ ယင်းသို့ 
ဆွဲနှုတ်လိုက် လှေဦးဘက်သို့ လျှောက်လာလိုက် လုပ်နေဆဲတွင် ထိုးဝါး၌ တစုံတခုငြိနေကြောင်း
လက်ကသိသည် ။

“ဘာများပါလိမ့်”
ဟုသိလိုဇောကြောင့် ထိုးဝါးအဖျားကိုရေပေါ်သို့ ဖေါ်ကြည့် ၏ ။
ထိုးဝါးထိတ်အစူးတွင် ၀င်းလျှပ်ထိန်နေသော မုနှောလင်ပန်းကြီး ။
ဘုရင်မင်းမြတ်များ စားတော်ခေါ်ရာ၌ အသုံးပြုသောလင်ပန်းမျိုးဖြစ်သည် ။ အနည်ဆုံးအစိတ်သားခန့်
ရှိမည် ။ ငခွေးမှာ လှိုက်ကနဲဝမ်းသာ၏ ။ ရွှေလင်ပန်းကြီးသည် အလွန်တန်ဘိုးကြီးမားသောပစ္စည်းဖြစ်သည် ။
ငခွေးဝမ်းသာစွာဖြင့် ထိုးဝါးကိုဆွဲတင်သည်။အတွေးတခု လက်ကနဲဝင်လာသည် ။

“ငါ့အိပ်မက်ဟာအလွန်ကောင်းတယ်။ဆင်ဖြူတော်ဝင်မှာကို ချည်
ခင်တခုနဲ့  ကျိန်းကျေတာမျိုးဖြစ်သွားနိုင်တယ်”။

ငခွေးသည်တံစူးထိတ်တွင်ပါလာသော မုနှောလင်ပန်းကို လှုပ်ခါချပစ်လိုက်သည် ။
နှမြောသော်လည်း ကျိန်းကျေမခံနိုင်။ သို့သော် လောဘကြီးသောလှေသူကြီးနှင့်
ဠှေထိုးသားများက အဖိုးတန်လင်ပန်းကို လွှင့်ပစ်ခဲ့သောကြောင့် ငခွေးကို ရိုက်နှက်
ကြသဖြင့် နဖူးတွင်ဒဏ်ရာရခဲ့လေသည်။ထို့ကြောင့်
့်လှေလိုက်ခွင့်မရတော့သောကြောင့်လှေမှဆင်းခဲ့ရသည်။

ဤသို့ ဖြင့် ငခွေးသည်တံနက်မင်း၏ မြင်းခံအိမ်သို့ ခိုလှုံ၏ ။ ငခွေးက
သွက်လက်သည် ။။ မကြာမီပင် သခင်နှစ်သက်သူဖြစ်လာသည် ။ ငခွေး
သည်အိမ်မှာသာ သွက်လက်ချက်ချာသည်မဟုတ် ။ မြင်းတင်းကုပ်၌လည်း မခိုမကပ်
လုပ်သည် ။ သူ့ ကို တစ်နေ့ မဟုတ်တစ်နေ့ ၊ တစ်လမဟုတ် တစ်လ ဘုရင်မင်းမြတ်
သတိပြုမိသည် ။ မြင်းကျွေးရာထူးသို့ တိုးမြင့်ခန့် ထားခြင်းခံရလေသည် ။

ဂန္တ၀င်ပုံပြင်များစာအုပ်မှ…..
ဆက်လက်ဖေါ်ပြပါဦးမည်…မင်းဘူးနဲ့ဘယ်လိုပါတ်သတ်သလဲစောင့်ကြည့်ပေးပါနော်………

ထိုအချိန်တွင် ပုဂံတုရင်းတောင်ခြေ တွင် နဖူးတွင် အမာရွတ်နှင့် မြင်းဖြူစီးထားသော မင်းလောင်း ပေါ်မည် ဟူသော
သတင်းစကား ဖြစ်ပေါ်လာခဲ့သည် ။ ငခွေးလည်း လည်း မင်းလောင်းကြည့်ရန်အသွား
လမ်းတွင် အဘိုးအိုတစ်ဦးက မြင်းဖြူတစီး ၊ လှံတလက် နှင့် မင်းဝတ်မင်းစား များ ပေးခဲ့သည် ဆို၏ ။
(ရာဇ၀င် အရမူ သိကြားမင်းက ဆက်သသော နတ်မြင်းပျံ ၊ တံ ၊ ပတ္တမြားလက်စွပ် ၊ သီလ၀ံသ ဒါး တို့ ကို ဆက်နှင်းခဲ့ သည် ဆို၏ )
ငခွေး တုရွင်းတောင်ခြေ ရောက်သွားချိန် တွင် သူ့လို မင်းလောင်းလာစောင့် ကြည့် ကြကုန်သော လူအပေါင်းက ငခွေးကို ကို
မင်းလောင်းဟုသတ်မှတ်ပြီး နန်းတော်အရောက် ခေါ်ဆောင် သွား ရာ ထီးနန်းရလေသည်။

ပုဂံထီးနန်းကို ငခွေး ရသောအခါ “စလေ ငခွေး” မင်းဟု သမုတ်ကြ
သည် ။ငခွေးထီနန်းရသော အခါ ထားခဲ့သောဂတိအတိုင်း ဗေဒင်ဟောသောပုဏ္ဏား၏ သမီး မမင်းဘူးအားမိဖုရာမြှောက်လေသည်။

ဒါတွေကတော့ မင်းဘူးမြို့အနီး မယ်ဘေ့ကုန်းကျေးရွာမှ
တစ်ခေတ်တစ်ခါက နိုင်ငံကျော် (ကွယ်လွန်သ)ူ ဇာတ်မင်းသားကြီးပြည်ချစ်သန်းစိန်ရဲ့
မမင်းဘူးဘုရားသမိုင်း ဆိုတဲ့ဓာတ်ပြားဇာတ်လမ်းကို ပြန်လည်ဖော်ပြလိုက်တာပါ။ တကယ့်သမိုင်းအစစ် က

စလေငခွေးမင်းသည် သက္ကရာဇ် ၂၆၈ တွင်မင်းဖြစ်လာပြီး ၂၇၇ တွင်
“ညွန်လက်တစ်ဖက်ကန်” အရပ်တွင် နတ်ရွာစံတော်မူသည် ။

အကြောင်း ကို ပြန်စရလျှင် ပုဂံထီးနန်းသစ် ပြောင်းရွှေ့စိုးစံတော်မူခဲ့သည့် ပျဉ်းပြားမင်း ကစတင်ရမည် ဖြစ်သည်။
ပျဉ်ပြား မင်း ကို သားတော် တန်နက်မင်း က ဆက်ခံပါသည် ။ တန်နက်မင်း ထီးနန်းစိုးစံ ချိန် ၂၈ နှစ် ရှိချိန်တွင်
မြင်းခံငခွေး က တန်နက်မင်း ကို မြင်းချေးကန် သို့ တွန်းချ လုပ်ကြံပြီး နန်းတက်ခဲ့ပြီး နန်းတက်ခဲ့ရာ တန်နက်မင်း ၏
မိဖုရားတစ်ပါးသည် တန်နက်မင်း၏ ပဋိသန္ဓေကို ဆောင်ပြီး ကြောင်ဖြူအရပ်တွင် မထင်မရှား ဇတ်မြုတ်ရင်း ကြောင်ဖြူမင်းသားငယ် ကို မွေးဖွားခဲ့၏ ။

မြင်းခံငခွေး ခေါ် စလေငခွေး လွန်လေသော် သားတော် သိန်းခိုမင်း ဆက်ခံ၏ ။သိန်းခိုမင်း ထီးနန်းစိုးစံချိန် ၁၆ နှစ်ရှိချိန် တွင်
တောကစားရာသွားရာတွင် ထမင်းမွတ်၍ သခွားသီးကို ဆွတ်၍စားလျှင် တောင်သူကြီး ရိုက်၍ သေလေ၏ ။
သို့ဖြင့် သက္ကရာဇ် ၂၉၃ တွင် တောင်သူကြီးမင်း နန်းတက်ခဲ့၏ ။ထိုမင်း ကို နတ်တော် ကျောင်း တကာ ၊ မင်းအိုချမ်းသာ ၊
ညောင်ဦးစောရဟန်း ဟူ၍ အမျိုးမျိုး အမည်တွင်၏ ။
( သက္ကရာဇ် ၅၆၂ တွင် ၂ ခုအကြွင်းထား သက္ကရာဇ် ဖြိုခဲ့သော စောရဟန်းမင်း နှင့်ကွဲပြားစေရန် သက္ကရာဇ်ဖြို စောရဟန်းမင်း
ကို ပုပ္ပားစောရဟန်း ၊ တောင်သူကြီးမင်း ကို ညောင်ဦး စောရဟန်း ဟု ခွဲခြားသတ်မှတ်၏ )
ယင်းညောင်ဦးစောရဟန်းမင်း လက်ထက်တွင် ကြောင်ဖြူမင်းသား သည် ကွမ်းဆော်ရသော ရာထူး ကို ရလေ သည် ။
ညောင်ဦးစောရဟန်း မင်း ထီးနန်းစိုးစံ ချိန် ၃၃ နှစ်ရှိချိန်တွင် ပုဂံတုရင်းတောင်ခြေ တွင် မင်းလောင်း ပေါ်မည် ဟူသော
သတင်း စကား ဖြစ်ပေါ်လာခဲ့သည် ။ ကြောင်ဖြူမင်းသား လည်း မင်းလောင်းကြည့်ရန်အသွား လမ်းတွင် အဘိုးအိုတစ်ဦးက
မြင်းတစီး ၊ လှံတလက် နှင့် မင်းဝတ်မင်းစား များ ပေးခဲ့သည် ဆို၏ ။
(ရာဇ၀င် အရမူ သိကြားမင်းက ဆက်သသော နတ်မြင်းပျံ ၊ တံ ၊ ပတ္တမြားလက်စွပ် ၊ သီလ၀ံသ ဒါး တို့ ကို ဆက်နှင်းခဲ့ သည် ဆို၏ )
ကြောင်ဖြူမင်းသား တုရွင်းတောင်ခြေ ရောက်သွားချိန် တွင် သူ့လို မင်းလောင်းလာစောင့် ကြည့် ကြကုန်သော လူအပေါင်းက
ကြောင်ဖြူမင်းသား ကို မင်းလောင်းဟုသတ်မှတ်ပြီး နန်းတော်အရောက် ခေါ်ဆောင် သွား ရာ လက်ရှိမင်း ညောင်ဦးစောရဟန်း မှာ
ဒေါသဖြင့် နန်းထက်က ကျသေသဖြင့် ကြောင်ဖြူမင်း သက္ကရာဇ် ၃၂၆ တွင် ထီးနန်းရလေသည်။

ကြောင်ဖြူမင်း( ဇတ်မြုတ်နေထိုင်ရာ အရပ် ကို အစွဲပြု၍ခေါ်သောအမည်) သို့မဟုတ် ကွမ်းဆော်မင်း
(လုပ်ကိုင်ခဲ့သောအလုပ် ကို အစွဲပြု၍ ခေါ်သောအမည်) သည် သူ့အရင် ညောင်ဦးစောရဟန်း တင်မြှောက် ခဲ့သော
မိဖုရား ၃ပါး ကိုပင် မိဖုရား ဆက် တင်မြောက်ခဲ့ရာ တောင်ပြင်သည်မိဖုရား တွင် ညောင်ဦးစောရဟန်း ၏
ပဋိသန္ဓေပါလာလေရာ ကျည်းစို ကို ဖွားမြင်လေ၏ ။ ထိုအတူ အလယ်ပြင်သည် မိဖုရားတွင် လည်း
ညောင်ဦး စောရဟန်း ၏ ပဋိသန္ဓေ ပါလာလေရာ စုက္ကတေး ကို ဖွားမြင်လေ၏ ။ မြောက်ပြင်သည်
မိဖုရား နှင့် ကြောင်ဖြူ မင်း တို့ မှ အနော်ရထာ ကို ဖွားမြင်လေ၏ ။ မိဖုရား ၃ပါးတို့ မှာ ညီအစ်မတော်ကြရာ
ကျည်းစို၊ စုက္ကတေး နှင့် အနော်ရထာ တို့မှာ ၀မ်းကွဲ ညီအစ်ကို တော်စပ်ကြသည်။
ကွမ်းဆော် ကြောင်ဖြူမင်း နန်းစံ ၂၂ နှစ်ရချိန်တွင် ကျည်စိုး နှင့် စုက္ကတေး ညီအစ်ကို နှစ်ဦးက ကြောင်ဖြူမင်းကို
အတင်းအကျပ် ရဟန်းပြုစေပြီး ရဟန်းကျောင်းအဖြူ သို့ ပို့ကာ ထီးနန်းသိမ်းပိုက်လိုက်လေသည် ။
(ကျောင်း အဖြူ သို့ ပို့ကာ နေစေသဖြင့် ကျောင်းဖြူ မင်း ဟုခေါ်သည် ဟူသော အယူအဆ များလည်း ရှိပါသည်)** ။